Tekiatén:ros Instructions

Tekiatén:ros

Tsi ní:tsi enhsátswa’te 


Nahò:ten’ ne Tekiatén:ros?


57 ní:kon ne ken’nikahiatonhserà:sa’s kahiatónhsera’shòn:’a. Khia’tekahiatonhserá:ke ió:ien' 8 ní:kon karahstánion. Ísi’ nón:we ne 50 ní:kon karahstánion nakwé:kon, nek tsi, kwah nek ne 1 karáhston tekiatén:ros ne tekahiatonhserakehákie’. Sewatateweienén:ta’n naiesewè:sake’!


Ohén:ton tsi niió:re’ entisewatáhsawen’...


Tóka’ iah nowén:ton tesewatswà:ton ne Tekiatén:ros ensewaié:nawa’se’ tóka’ ensewatéweienste’. Tésewahkw tekahiatonhserá:ke tánon’ atehkhwahráhne sewàren tsi nón:we akwé:kon enwá:ton’ eniontkátho’. 

Sewatshén:ri tsi nahò:ten' Tekiatén:ros ne tekahiatonhserá:ke (akwé:kon ne shà:ka tsi ní:tsi karáhston, nek ne tekonttihánion tsi ní:wa'). Tsi niiá:kon enkionkié:renhte’ enietshén:ri’ tsi nahò:ten’ Tekiatén:ros enienà:ton’ tánon’ asé’stsi tekahiatonhserá:ke shé:kon enierá:ko’. 

Ia’sewatahsónteren’ tsi niió:re' akwé:kon ensewa’nikonhraién:ta’ne’ 

tsi kiótkon tsiorì:wa khok tsi nahò:ten’ tekiatén:ros tsi 

na’tekiátere' ne tekahiatonhserá:ke. 

Ó:nen sewatateweienatà:’on aiesewátswa’te’!


 

 


Tsi nensewá:iere’


Iah thé: teionkié:ren ka’ niká:ien' iontswa’táhkhwa’ sewatswà:ton, kió:konte’ sewate’niéntha’ ne í:se’ aontisewakié:renhte’ aiesewatshén:ri’ tsi niká:ien' karahstánion tekiatén:ros sok ensewanà:ton’. Sok, otstohkwà:ke ensewà:ren’ toka’ ni’ a’é:ren iensewá:ti’, ne tkaia’takwe’ní:io ka’ niká:ien' iontswa’táhkhwa’ sewatswà:ton.


Iontswa’táhkhwa’


Tóhkara ní:kon iontswa’táhkhwa’ ká:ien' enwá:ton’ ensewátswa’te’. Sha’tekahá:wi ensewátswa’te’, sewate’niéntha’ iosnó:re iaiesewá:ti’ ne sewahiatonhsera’shòn:’a. 

Tsi niká:ien' ne sénha é:so iontswa’táhkhwa’ eniontkwé:ni' akaónha enieron'onhwénhawe'. Tóka’ ónhka’k í:ienhre' ísi' nón: taiontkén:ni’, sewátken’s kahiatonhserà:ke tsi nón:we nikahiá:ton ne tournament kaianerahsera’shòn:’a.


 

 


Tóka’ sha’tekahá:wi ensweanà:ton’ …


Tsi niká:ien' enkionkié:renhte' aienà:ton’ tsi nahò:ten’ tekiatén:ros eniontkwé:ni'. Tóka’ kwah sha’tekahá:wi ensewanà:ton’, tsi niká:ien' enkionkié:renhte’ aieié:na’, tóka' ni' ne è:neken aiè:ren’, tóka’ ni’ ne ísi iaiakó:ti’ ne kahiatónhsera eniontkwé:ni’.


Tekenitsiá:ron kén Takiakié:renhte’?


Tóka’ tekenitsiá:ron takiakié:renhte’ nó:nen ensewáhsa’, entà:’onk tenkiatkén:ni’. Entà:’onk skahiatónhsera enkenirá:ko’, kwah sha’kahá:wi enkenihatonhserakahrhathóhsi tánon’ tsi niká:ien' enkiokié:renhte’ aietshén:ri’ tsi nahò:ten’ tekiatén:ros tánon’ aienà:ton’ akaónha ki' eniontkwé:ni’. Tóka' ísi' nón:we ne tekeniiáhse takonkié:renhte', "Iohnenna'tataríhen sewátswa't ia'taiesewarihwaién:ta'se' ónhka eniontkwé:ni'.


 

 



Tournament Kaianerahsera’shòn:’a


Entisewatáhsawen’ ne Ionstwa’táhkhwa’ #1/Tsi Iotstóhkote'. Tsi niká:ien' iah teiakotkwénion, né: enierá:ko’ ne ó:ia' ionstwa’táhkhwa’:


Tsi nikanawa’áhtake ensewaién:ta’ne’:


Tsi Iotstóhkote’: +1  khia’tekahiatonhserà:ke ensewarò:roke’ / +5 tsi niká:ien’ iakotkwénion


Tsi Iohnáwerote’: +10 tsi niká:ien' enkionkié:renhte' ne akwé:kon aiakó:ti' ne akohiatonhsera’shòn:’a / -20 tsi niká:ien' iah teiakotkwénion


Iohnenna’tataríhen: -5 tsi niká:ien’ iah teiakotkwénion


Iothiatonhserótkon: +20 tsi niká:ien' nakwah ken' nitkón:ha kahiatonhsera’shòn:’a enierò:roke' / +10 tsi niká:ien' tekeníhaton iakotkwénion


Ahsénhshon: +1 khia’tekahiatonhserà:ke ensewarò:roke’ / nok ò:ni' +5 tsi niká:ien' sénha é:so eniakohiatonhseraién:ta’ne’

 

 


Tsi Nahò:ten’ Karahstánion:

Ohóntsia

Earth

O-hoon-jaw

Awé:ri

Heart

Ah-way-lee

À:there

Basket

Onkwè:ta

Person

Otskwè:na

Chest

Aten’èn:ra

Fence

Óhsera

Year

Kén:ie

Oil

Ato’tsí:ne

Skates

Enhnì:ta

Month

Ennísera

Shelf

Anitskwà:ra

Chair

Enhnísera

Day

Onékeri

Hay

À:share

Knife

Awénsera

Smell

À:’are

Net

Atkerothí:ha

Comb

Awén:ta

Daybreak

Dawn

Óhsia

Door Knob

Atókwa

Spoon

À:ria

Hook

Atháhsteren

Pants

Atekhwà:ra

Table



 

 

Atkòn:sera

Pillow

Osháhtara

Splinter

Akià:tawi

Shirt

Akia’táhnha

Belt

Áhsire

Blanket

Ateniión:ta

Apron

Atahkwénnia

Clothes

A’niá:nawen

Gloves

Ate’wáhshare

Earrings

Ahthén:no

Ball

Áhta

Shoes

Anihsnónhsawi

Ring

Atonhonwà:tha

Broom

O’swèn:ta

Coal

Ahskwèn:na

Porch

Atén:nits

Cane

Ahserí:ie

String

A’én:na

Bow

Ò:kere

Snowflake

Anòn:warore

Hat

Ashá:ra

Leash



 

 

Ahsónhta

Wall

Káhi

Fruit

Atenentsháhnha

Watch

Áhskwa

Bridge

O’swáhseri

Wood Shavings

Atshò:kten

Hoe

Ohsóhkwa

Color

O’kèn:ra

Dirt/Ashes/Dust

Atátken

Mirror

Ahsón:ta

Night

A’tóhsera

Tent

Anikatsiè:na

Shoelace


 

 


Iontswa’táhkhwa’ #1

Tsi Iotstóhkote’

1) Tsi ní:tsi ensewaweiennén:ta’ne’ aiesewátswa’te’:

Teshiatonhserawénrie sok skahiatonhserátshon shehiatonhserawíhon kakahrháthon tsi niiá:kon iakotswà:ton. Sha'tewatekhwahrahtsherí:hen iahà:shren tsi ní:kon iothiatonhseratatén:ron tsi nonkwá:ti kakónhsare' kakahrhathóhsion.


2) Tsi Nensewá:iere’:

Aonhà:'a é:so aiesewahiatonhseraién:ta’ne’.


 

 


3) Tsi ní:tsi ensewátswa’te’:

Sha’tekahá:wi, akwé:kon ensewathiatonhserakahrhathóhsi'. 

Sok ensewè:seke’ tsi nahò:ten’ tekiatén:ros tetsiá:ron ne 

sewahiatonhserà:ke nok ò:ni' ne kahiatonhserà:ke né:ne 

ahsén:nen nón:we tkáhere'.


Tóka’ entisewakié:renhte’ aiesewatkáhtho’ tsi nahò:ten’ 

      tekiatén:ros, óksa'k sewanà:ton! (tsi ní:ioht ne “à:’are'”). Sok 

                 ia'sewáhawh ne ahsén:nen nón:we kahiatonhseráhere' 

                     nok sewakahrhathóhsi tsi ensewà:ren' ne 

                     sewahiatonhserà:ke kakahrháthon. Ó:nen ísewatst 

                      ne asé'stsi kahiatonhseráhere' ne 

                   sahiatonhsera'shòn:'a naiesewatshén:ri' ne 

                     tekiatén:ros ne ahsén:nen nón:we 

  nikahiatonhseráhere'. 


                Ia’sewatahsónteren kí:ken tsi niió:re' iah thé:nen 

teskahiatonhseráhere' nahsén:nen nón:we.


4) Tsi ní:tsi eniontkwé:ni’:

Tsi niká:ien' aonhà:'a é:so eniakohiatonhseraién:ta’ne’ eniontkwé:ni'.


 

 


Iontswa’táhkhwa' #2

Tsi Iohnáwerote’

1) Tsi ní:tsi ensewaweiennén:ta’ne’ aiesewátswa’te’:

Sha'tewatekhwahrahtsherí:hen íshren ne skahiatónhsera kakahrhathóhsion. Teshiatonhserawénrie tsi ní:kon iothiatonhseratatén:ron tánon' enshehiatonhserawíhon' kakahrháthon tsi niiá:kon iakotswà:ton. Tho nón:we eniehrá:ko' akohiatonhsera'shòn:'a. 


2) Tsi Nensewá:iere’:

Sewate’niéntha' ne aontisewakié:renhte' akwé:kon iaiesewá:ti' ne sahiatonhsera’shòn:’a.


 

 


3) Tsi ní:tsi ensewátswa’te’:

Sha’tekahá:wi, ensewathiatonhserakahrhathóhsi' tsi nón: nikakónhsare'. Tóka’ entisewakié:renhte' aiesewatkáhtho’ tsi nahò:ten’ tekiatén:ros ne sewahiatonhserà:ke nok tsi niká:ien' ahsén:nen nón:we kahiatonhseráhere', óksa'k sewanà:ton (tsi ní:ioht ne “o’kèn:ra'!”) sok è:neken sewà:ren ne ahsén:nen nón:we kahiatonhserà:ke. Ísewatst ne kahiatonhserasé'stsi wa'okè:tohte' ne sewahiatonhsera'shòn:'a aiesewatshén:ri' ne tekiatén:ros nahsén:nen nón:we kahiatonhseráhere'. Ia’sewatahsónteren tsi niió:re' tsieià:ta eniontò:kten' nakohiatonhsera’shòn:’a


4) Tsi ní:tsi eniontkwé:ni’:

Tsi niká:ien' enkionkié:renhte' aiontò:kten' nakohiatonhsera'shòn:'a eniontkwé:ni'.


 

 



Iontswa’táhkhwa #3

Iohnenna’tataríhen

(Tóhkara nienká:ienhte’ enhsátswa’te’)

1) Tsi ní:tsi ensewaweiennén:ta’ne’ aiesewátswa’te’:

Teshiatonhserawénrie sok skahiatonhserátshon shehiatonhserawíhon kakahrháthon tsi niiá:kon iakotswà:ton. Ísi’ iahà:shren tsi ní:kon iothiatonhseratatén:ron. Ia’tesewarihwaién:ta’s tó: nienká:ienhte’ ensewátswa’te’ (aró:nen 5 nienká:ienhte’).


2) Tsi Nensewá:iere’:

Sewate’niénten nakwáh ken’ nitkón:ha aiesewahiatonhseraién:take’.


 

 


3) Tsi ensewatkahri’tsherón:ni'

Sha’tekahá:wi ensewathiatonhserakahrhathóhsi’. Entà:’on akwé:kon eniontkátho’ tsi ní:ioht tsi ensewaié:na’. Tóka’ ensewáttoke’ tsi tekiatén:ros tsi nahò:ten’ karáhston ne sewahiatonhserà:ke nok akò:ren akohiatonhserà:ke, óksa’k sewanà:ton (tsi ní:ioht ne “onhóntsia’!”). Sewahiatonhserà:ren akohiatonhserà:ke tsi nón:we nesewáttoke’ tsi tekiatén:ros


Tóka’ ísi’ nón:we ne tekahiatonhserá:ke sewáhawe’, kwah nek sewatkáhtho ne è:neken kahiatonhseráhere’ toka’ ken tekiatén:ros. Nó:nen ensewatshén:ri’, akwé:kon kietshihiatónhseron tsi niká:ien’ iéhawe’ ne tekiatén:ros.


Ia’sewatahsónteren ken' ní:ioht tsi niió:re’ tsieià:ta akwé:kon eniakohiatonhseraién:ta’ne’. Akaónha ki’ iah thaiontkwé:ni’ tánon’ ísi’ nieiè:ren' akohiatonhsera'shòn:'a. Ó:ia’ tentewatáhsawen’ entsisewátswa’te’.


4) Tsi ní:tsi eniontkwé:ni’:

Tsi nenwentò:kten’ ne ohna’kénhkha’, tsi niká:ien' akwáh ken' nitkón:ha iehiatonhserénhawe' eniontkwé:ni'.


 

 


Iontswa’táhkhwa #4

Iohiatonhserátkon

1) Tsi ní:tsi ensewaweiennén:ta’ne’ aiesewátswa’te’:

Teshiatonhserawénrie sok skahiatonhserátshon

shehiatonhserawíhon kakahrháthon tsi niá:kon iakotswà:ton.

Sha tewatekhwahrahtsherí:hen ahà:shren tsi ní:kon

iothiatonhseratatén:ron tsi nonkwá:ti kakónhsare'

kakahrhathóhsion.


2) Tsi Nensewá:iere’:

Sewate'nién:ten nakwáh ken'

nitkón:ha

aiesewahiatonhserenhá:wake'.


 

 


3) Tsi ensewatkahri’tsherón:ni'

Sha’tekahá:wi akwé:kon ensewathiatonhserakahrhathóhsi ne sewahiatonhsera'shon:'a. Sewate'nién:ten aiesewatshén:ri tsi nahò:ten tekiatén:ros ne ahsén:nen nón:we nok akò:ren akohiatónhsera'. Tóka' ensewatkáhtho nahò:ten'k tekiatén:ros, sewanà:ton (tsi nícioht ne "awé:ri"). la'sewáhawh ne ahsén:nen kahiatonhseráhere' sok è:neken sewà:ren ne akò:ren akohiatonhserà:ke tsi niká:ien' tsi tekiatén:ros. lothiatonhserátkon kí:ken ase'kénh ónhka'k entietshihiatónhseron' ne iah tha' teiakotonhwentsió:ni aiakohiatonhseraién:ta'ne'.

Ó:nen kahiatónhserase'stsi wa'okè:tohte' ahsén:nen nón:we entà: on á:re ensewatshen:ri tsi nahò:ten' tekiatén:ros. la'sewatahsónteren tsi niió:re' iah thé:nen teskahiatonhseráhere' ahsén:nen nón:we.


4) Tsi ní:tsi eniontkwé:ni’:

Tsi niká:ien' akwah ken' nitkón:ha iehiatonhserénhawe' eniontkwé:ni.


 

 


Iontswa’táhkhwa #5

Ahsénhshon

1) Tsi ní:tsi ensewaweiennén:ta’ne’ aiesewátswa’te’:

Ahsén:nen nón:we akwé:kon sewahiatonhserahrónnion kakahrháthon.

2) Tsi Nensewá:iere’:

Sewate nién:ten naonhà: a é:so aiesewahiatonhserarò:roke'.


 

 

3) Tsi ensewatkahri’tsherón:ni':

Tsieià:ta eniehrá:ko' 9 nikahiatonhserá:ke tánon' atekhwahráhne eniehiatonhserà:ren' kakahrhathóhsion. (Tsi nítioht tsi tewate nienténhston nehtà:ke).

Sok, sha'tekahá:wi, ensewate'nién:ten' aiesewatshén:ri ne tsorì:wa ne shà:ka karahstánion ne 3 nikahiatonhserá:ke.

Teiotonhwentsóhon tsiori:wa akwé:kon ne shà:ka akénhake' ne karahstánion oh naiá:wen'ne' takontén:roke.

Ká:nik ensewatshén:ri ne 3 ní:kon tekontén:ros karahstánion, sewanà:ton (tsi nísioht ne "áhta!"), ia sewáhawh ne 3

nikahiatonhserá:ke tesewatén:tshon, 3 shé:kon nikahiatonhserá:ke sasewahiatonhserahrá:ko'.

4) Tsi ní:tsi eniontkwé:ni’:

Nó:nen ká:ron ní:kon ne 9 nikahiatonhserá:ke tsiotatén:ron, tánon' iah thé:nen ó:ia' tha teskontén:ros ne kahiatonhsera'shon'a ó:nen enwatò:kten', tánon' tsi niká:ien aonhà:'a é:so kiakohiatonhserá:ien eniontkwé:ni.


 

 


Niá:wen tsi wahskwaié:nawa’se’:


Teiotièn:taron

Sahawisó:ko

Tehahswathé:tha

ionkwahronkha’onhákie’